"Білім сапасын арттырудағы оқушылардың ақпараттық-коммуникативтік құзыреттілігінің рөлі" тақырыбында ашық есік күні

"Д.Қонаев атындағы орта мектебі" коммуналдық мемлекеттік мекемесінде 2023 жылдың 20-қаңтарында аудандық білім бөлімінің жоспарына сәйкес "Білім сапасын арттырудағы оқушылардың ақпараттық-коммуникативтік құзыреттілігінің рөлі" тақырыбында ашық есік күні болып өтті. Аталмыш шараға аудандық білім бөлімінің басшысы М.А.Құрманалиева, аудан әкімінің орынбасара К.И.Бағбаев, "Ұрпақ парызы" қоғамдық бірлестігінің төрағасы Ж.С.Керімқұлов, Ұйғыр этно- мәдени орталығының төрағасы А.С.Османов және мектеп директорлары мен директордың оқу ісі жөніндегі орынбасарлары қатысты. Шара барысында қонақтар Д.Қонаев мүсініне гүл шоқтарын қойып, "Ұрпағы ұлықтаған ұлы тұлға" атты сахналық театрландырылған қойылым мен тарихи- өлкетану мұражайымен танысып, бағдарлама бойынша үздік сабақтарға  қатысты. Келген қонақтар шара соңында дөңгелек үстелде шараға кері байланыс беріп өз ойларымен бөлісті.