PISA зерттеуі

11.04.2022 жылы PISA-2022 халықаралық зерттеуіне ауданымыздан Д.Қонаев және А.Розбакиев атындағы орта мектептері қатысты. Зерттеу Экономикалық ынтымақтастық және даму ұйымының ұйымдастыруымен әлемнің 80-нен астам елдерінде әр үш жыл сайын өтеді. PISA зерттеуі қатысушы елдердің көбінде міндетті білім беруді аяқтауға жақындап қалған білім алушылар шынайы өмірде туындайтын проблемалар мен қиындықтарды шешуге, әлеуметтік және экономикалық өмірге толық қатысу үшін қажетті білім мен дағдыларды пайдалануға деген дайындығын тексереді. Зерттеу соңында мектеп үйлестірушісі, оқу-ісі жөніндегі орынбасары Мусаев Мухтарға Қазақстан Республикасының Білім және Ғылым министрлігінің "Ақпаратты талдау орталығы" президенті М.А.Тыныбаеваның сертификаты табысталды.